الجيش و المجلس الاعلى للقوات المسلحة الباسلة اللى انتوا سمتوهم "عسكر" حموا الثورة .
وبيحاربوا الخونة والعملاء بتوع التحرير .
بيحاكموا مبارك و نظامة وفلولهم .
السياحة تمام وشركات السياحة مابتبعتش فاكسات للدول الاجنبية وتطلب منهم مايبعتوش افواج سياحية .
ازمات بنزين و سولار و رغيف عيش و اسعار الخضار فلكية .
قتلوا اكتر من 1500 بنى ادم و حبسوا اكتر من 12 الف مدنى بمحاكمات عسكرية ظالمة .
عروا بناتنا وكشفوا على عذريتهم وهتكوا اعراضهم .
قتلوا اعضاء الالتراس فى استاد بورسعيد عقاباًِ ليهم لمهاجمتهم ليهم ومطالبتهم بانتخابات نزيهه واسقاط الحكم العسكرى .
هتكوا عرض الحريات وقفلوا منظمات المجتمع المدنى واتهموها بالعمالة وبعدين حولوا الاعلاميين والصحفيين للتحقيق العسكرى بتهم زعزة "الاستقرار" والتحريض لقلب نظام الحكم .
الاف من الشباب واخدين اخلاء سبيل فى قضايا عسكرية ومدنية ملفقة يعنى يقدروا يحبسوهم فى أى لحظة .
بيدعموا فلول النظام وبيعينوهم فى المناصب الحكومية الهامة "وزاء-سفراء..الخ" .
مجدى راسخ هو المسئول عن توزيع الانابيب و الغاز الطبيعى بكل انحاء الجمهورية .
عملوا اعلان دستورى لصالحهم خدوا بيه صلاحيات الرئيس الكاملة .
الفول هما اللى بيتحكموا فى رزق الغلابة وبيقطعوه عنهم .
الفول هما اللى بيتحكموا فى رزق الغلابة وبيقطعوه عنهم .
خدوا من مجلس الشعب صلاحية سحب الثقة من الحكومة اللى بتوع التحرير غيروها 3 مرات .
كل قتلة الثوار خدوا براءات واحكام مع ايقاف التنفيذ .
الشرطة رجعت الشارع تهين المواطن من جديد .
طابور العيش كما هو سليم ومعافى ولم يصيبة اى سوء .
اجهزة الاعلام الحكومى اخذت على عتقها مهمة اخافة المواطنين و ايهامهم بمخططات ومحاولات انقلاب وان العدو على الحدود ينتظر سقوط المجلس العسكرى ليحتل البلاد .
حتى القوى الثورية اللى المفروض تكون ثورية طلعت قوى امنيه .
و اَلَخ اَلَخ اَلَخ .....
حتى القوى الثورية اللى المفروض تكون ثورية طلعت قوى امنيه .
وفى الاخر الاخوان والعسكر بيمثلوا مسلسل الشرف وحب الوطن عشان كل واحد منهم عاوز يستفرد بالدستور .
و اَلَخ اَلَخ اَلَخ .....
ارجوكوا لا تستمعوا الى دعاة الفتنة اللى بيطالبوكوا باسقاط حكم العسكر وماشابة تمسكوا بقواتكم المسلحة التى تحمى بلادكم واراضيكم و اقتصادكم و تعمل جاهدة كما كتبت بالاعلى للارتقاء بالاقتصاد و مستوى التعليم وتعمل جاهدة ايضاً على حماية اراضينا وكرامتنا ولا تقبل تدخل من الدول الاجنبية فى شئوننا الداخلية وقضائنا لا تملى علية افعالة ولم يهرب متهمين اجانب فى قضية التمويل المشبوه المختلقة من الحكومة !! تمسكوا بالاستقرار . .
ليست هناك تعليقات:
إرسال تعليق