هرتلة شخصية (مزايدة) !!

فى البداية لمن يصف كل ماهو ضده بـ "المزايده" لا تقرأ تدوينتى فهى لن تفوز باعجابك على الاطلاق !!

هرتلتى عن الادعاء , مثل ادعاء النضال و البحث عن الحرية و الكرامة والانسانية , من يخدع عقول الاخرين بأفكار و أحلام لم تكن يوماً له , اكتب عن من يتحدى الظلم بالاقوال لا الافعال << هذا ما سيطلق عليه 'مزايدة' , هل يعلم معنى 'مزايدة' ؟ ام هو مصطلح جديد له اعجبة سهولة نطقة فصار يردده فى كل موقف وفى اى وقت !!

هو من يتحدث عن الحرية والعدالة ويتعامل مع الاخرين على حسب المظهر والنوع .. بيلبس شيك يبقى كويس لو لبسوا مش شيك بلاش منه !! ده شكله فرفور وده ابن ناس !! ده طويل وده رفيع !! دى وحشه لكن دى حلوه , دى شكلها بنت كويسه لكن دى لبسها مش عاجبنى تبقى مش كويسه !! , وطبعاً فى تويتر حد عندوا فولورز قليلين يبقى شخص مايستحقش الاهتمام ولا الرد عليه اصلاً ويتعامل معاه على انه نكره لكن عندوا كام الف يبقى حد ابن ناس ومتربى وحاجه تشرف ويستحق شرف صداقتوا بيه !!
 دول اللى اجدادنا قالوا عنهم : (مايملاش عنيهم غير التراب) .. ادوا نفسهم الحق فى اختصار انسانيتك فى مظاهر خارجية !! 

عندى حق صح عشان دى سلبية !!

طب ما كلنا سلبيين , كام مره شوفت شخص ما واتريقت على مظهره ؟! خليك صادق مع نفسك ..

لذلك انا افتخر بقيمة تعاليم الاديان , لانها بتعلم الانسان طريقة الارتقاء باخلاقة و ازاى مايكونش سطحى ..

ازاى بيطالبوا بالعدل و المساواه وهما عنصريين بالشكل ده !! ازاى بيطالبوا الحاكم بالعدل وهما اظلم لانهم اختصروا الانسان فى مظهر او فى مؤهل .. الخ

الثوره ماكملتش لان جوانا لسه مانضفش ..

والدليل على كل المزايدات دى بما انى شخص مزايد لدرجة انى بزايد على روحى وأنا نايم  : 

ان اغلب المصريين اتهموا بتوع التحرير (احنا) بالبلطجة عشان مش بينزلوا لابسين البدل السينييه فى الميدان , وكأن مصر كلها بتلبس ماركات ونسيوا ان نسبة الفقر فى بلدنا وصلت لـ50% !! , وكمان انتخبوا الاخوان والسلفيين عشان مظهرهم وزيهم يوحى بالتدين وانهم ناس بتوع ربنا !! , وربك وحده العالم بالنفوس ..

وفى نهاية مزايداتى اقول لكل اللى بيحتقرونى او بيكرهونى او لا يعنيهم امرى اصلاً وطبعاً للى بيحبونى .. اتمنى لكم حياة سعيدة على كوكبنا التعيس =)) 

Follow @IslamLuCa