تحركت مشاعر الكثير من المصريين اتجاه الرجل المسن المريض المتمدد على سريره المتحرك داخل القفص , مالثوره قامت وخلعناه خلاص لية مانسامحوش , هو مش هايعيش قد اللى عاشه خلاص وربنا ياخدلنا حقنا فى الاخره واللى عند ربنا مابيروحش . ماهى اخطائة حتى يهان هكذا ؟!!
هل لانة تسبب فى افساد مصر وشعبها و حول الحياة فى عيونهم الى ظلام ؟
هل لانة قام بحماية "ممدوح اسماعيل" ربان عبارة السلام المنكوبه التى قتل فيها اكثر من 1000 مواطن مصرى؟
أو لانه كان رجل أمريكا و اسرائيل فى مصر .
هل لان نسبة الفقر والفقراء فى عهده 50% ؟ , اه نصف الشعب المصرى يعيش بدخل يومى أقل من 1 دولار امريكى .
عندما تولى مبارك حكم البلاد كان الدولار = 85 قرش مصرى , لكن الان الدولار الامريكى يصل الى 6 جنيهات مصرى .
لقد تدهورت الصحه فى عهده بصوره كبيره , فوصل عدد مصابى التهاب الكبد الى 15 مليون مصاب "أعلى نسبه فى العالم" , و وصل عدد مصابى الاكتئاب الى اكثر من 20 مليون مصاب والامراض النفسيه الاخرى اكثر من 6 ملايين مصاب , ولا ننسى بالطبع مرضى السرطان والسكر و القلب .
عشنا فى عهده تحت رحمة قانون الطوارئ قرابة ال30 عاماً , فيها استحلت حرمات البيوت وتم خطف واعتقال وتعذيب كل من سولت له نفسه بمعارضة قوانينهم أو فضح فسادهم , وحما نظامه بجهاز الشرطه و جهاز أمن الدوله الذى تولى قمع وتعذيب وخطف و قتل كل من عارض مبارك , ولا ننسى قوات مكافحة الشغب التى قامت بقمع كل التظاهرات والاعتصامات .
وعندما ثار الشعب وحطم كل القيود التى خضع لها لسنوات طويله , أعطى الظالم أوامر فقُتل واعتُقل وعُذب الثوار وسالت دماء شُهدائنا و دُهسوا بمدرعاتهم وسيارتهم , أقسم لكم كنا لا نعرف نوع الجثه (ذكر او أنثى) الا من شعر الرأس فقط .
هذا بايجاز بعض انجازاته , هل مازلت تشعر بالشفقه اتجاهه ؟!!
اللى يصعب عليه المخلوع
ردحذفيبقوا يفتكروا 1200 بنى ادم ماتول فى العباره فى عيد الاضحى وليهم على الاقل 5000 بنى ادم عائلاتهم كانوا هيموتوا من الحزن عليهم وتانى يوم كانوا فى الاستاد بيهيصوا ولا كأن اللى راحوا دول شويه كلاب ولا يسووا وبيتريقوا على العبارات اللى بتغرق
يبقوا يفتكروا انهم اعلنوا حاله الحداد فى البلد كلها 3 ايام على حفيد المخلوع اللى ربنا رحمه من العيله دى ومرضلهوش انه يعيش من حرام ونسيوا دم اكتر من 1000 شهيد ماتوا علشان بيطالبوا بعيشه كريمه