اعلانات وزارة الداخليه اللى بتتعرض فى قنوات مصريه كتيره
وترفع شعاره ( اطمن)
اطمن ازاى وانتو مش بتحمونى .. اطمن وانتو رافضين تنزلو تقفو فى الشارع تحمونى .. و اللى بينزل منكم قدام عينى بيتعامل بعقلية ماقبل 25 يناير .
رفضتو تدو كورسات توعيه للضباط عشان ينزلو الشارع عارفين انهم بيتعاملو معه بنى ادمين مش حيوانات.
و الساده مدراء الامن اللى بيتحاكمو فى قضية قتل المتظاهرين و فى نفس الوقت ماتوقفوش عن العمل زى زميلكم العزيز مدير امن الغربيه.
واحداث الفتنه الطائفيه فى امبابه اقصى مافعله ضباط قسم امبابه انهم بلغو الوزاره .. يافرحتى
هل يريد الضباط المحترمون ان يصل المواطن الى حالة الرعب من المجهول .. حالة نسيان الثوره و حقوقها .. ان يلعن الثوره .. ان يتحول الى محب لمبارك ويترحم على ايامه .
تريدو ان ننسى ان مبارك سيحاكم .. و ان ننسى ان هناك اموال طائله بالخارج .. تريدو التاكد من مقولة ( الدين افيونة الشعوب) .
الشعب عندما اختفيتم من الشوارع حمى بيوته و شوارعه و ارضه ولم تحدث اى اعتدائات مثل الان ..
عشان كده احنا مش هانقولكم انزلو .. وزارة الداخليه هاتنزل الشارع و هاتحمى المواطنين و هاتتعامل معاهم باحترام و بالقانون
وساهتم الفتره القادمه بتسجيل اى حالة اعتداء لفظى او بالضرب على اى مواطن ..
انا من يومين فى محطة مترو شاهدت رجل شرطه يسب و يلعن احد الباعه المتجولين .. ولا اكننا قبل 25 يناير .
ووقفت اتخانق معاه و اخرج من فمى العباره الشهيره انت فاكر نفسك قبل 25 يناير .
وعذرا وزارة الداخليه لن اشعر بالاطمئنان حتى أراكم فى الشوارع تحمون مصر و مواطنيها الشرفاء وتتعاملون معهم باحترام وانسانيه.
